آنا دردیمی بیلن یوخ
اوره ییم ده چوخلو غم وار آنا دردیمی بیلن یوخ
گؤزلریم قان آغلاییری گؤزومون یاشین سیلن یوخ
سن اولان زامان دئییردیم گولش اوزلو بیر اینسانام
سن گئدن دن آمما آنا گولماغیمی هئچ گؤرن یوخ
گئجه لر تکلیق تنهالیق یامان اینجیدیر قلبیمی
غصه دن و غم دن سورا منی کیمسه دیندیرن یوخ
حسرتم آنا حسرتم سنین او محبتینه
ایندی بیر « حالین نجوردی » سؤزونو منه دئین یوخ
آتامی دا سن آپاردین ایندی من ده لاپ یالنیزام
سیز ایکیز گئدن دن داحا بو ائوه گلیب گئدن یوخ
دئمیرم قاییت گلگینن باری گل آپار منی ده
کی سنین گوزل بالانی دونیادا داحا سئون یوخ
شاعیر : وحید شکرزاده

کول دره ده تویدو بو گون گلین کاریخدیراخ غمی

آتین توتون پی لریزی سلبی خالا اژدر عمی



کول دره نین میللتی نین لاپ او کئفی ساز چاغیدیر

یییَن یییر ایچن ایچیر عاشیق چالیر زیری بمی



اللرینه دونوم عاشیق چال بی قودورسون کئفیمیز

چال بو ائوه گلین گلیر بللی دی خوشدور قدمی



چالین بو سیرتیغ اویناسین تومانی ییرتیغ اویناسین

بوللو شایاش لا قالخیزین سیندیرا مش محرمی



بیر قراباغ شیکسته سی جنگی کوراوغلو نه بیلیم

آنجاق ائله چال کی سازین اویالدا قورقوت دده می



بیز سنی آلقیشلایاریق اولماسادا وار دییه ریک

سنمده "علسگر"ین سسی سنده "آزافلی"نین دمی



کندیمیزین گول بالاسی میر صفرین توی گونودور

جدینه قوربان جانیمیز یاتماسین آلله علمی



کول دره نین سازدی کئفی بو ایل شیشیب برکتیمیز

تانری نظردن قوروسون یاغیب بولود بیتیب زمی



کندیمیزین اهلی بو ایل هر گونه بیر توی سالاجاق

بایراماجان سیندیراجاق سلبی خالا اژدر عمی



اللره قوربان آی عاشیق قویما پوزولسون حالیمیز

مین یول اوتوزموشوق غمه بیر یول اوتوزدوراق غمی



تورک ائلی نین روزگاری نین دال قاباغی بللی دئییل

بویون چیخار صفرآیی صاباح گیرر محرمی

*************



چور بوروموش بیر زمی ده الده اوراخ سومسونورم

گورنه بئجردیب قارا چوپ بوغداسین اکدیییم زمی



دورد طرفیم قوپ قورو چول آغ یئل اسیر گاه قارا یئل

بوستانا باخ قارپیز اکن ایندی دریر داش کلمی



آخ یئنه ده قیزدی فلک بوستانیمی پوزدی فلک

گورنه دیلن چی لیکده دیر کئچن ایلین محتشمی!



بو قورو دیل خوشلوغو دا قیمادی چوخ گوردو بیزه

بیز ساری تئل اوینادیق او چالدی یانیخلی کرمی



آخ ساری ناققیشلی ائویم توز بورویوب دام دووارین

آخ تورآتانلار بزه میش قاپ باجامی پنجره می



سن بیل ابالفضل ین آدی بیر دلی سئل یوللا تاری

کؤشنی آلسین کامینا بیر یالاسین داغ دره می

********

دیزلریمی قوجاقلاییب گوز تیکیرم اوزاقلارا

دیکسینیرم تر بورویور سئل کیمی دیرناخ تپه می